ალასკის სანაპიროსთან, ცივ ბერინგის ზღვაში, 15 წლის ბიჭმა გადაბრუნებულ პატარა ნავზე დაახლოებით ორი დღე გაატარა საკვებისა და სასმელი წყლის გარეშე. 7 სექტემბერს, ორშაბათს, ის მეთევზეთა გემის ეკიპაჟმა ამოიყვანა. მასთან ერთად ზღვაში გასული უფროსი ძმა და ბიძაშვილი ვერ გადარჩნენ.
როგორ აღმოჩნდა ზღვაში მარტო
სამი ნათესავი სენტ-ლორენსის კუნძულიდან (St. Lawrence Island) 4 სექტემბერს, პარასკევს, 5,5-მეტრიანი ნავით სათევზაოდ გავიდა. ეს შორეული კუნძულია, რომელიც რუსეთთან უფრო ახლოსაა, ვიდრე აშშ-ის მატერიკთან. დაახლოებით 5,5-მეტრიანი ნავით კვირას უნდა დაბრუნებულიყვნენ. ოჯახის ცნობით, ნავი შაბათს ღამით, ღია ზღვაში გადაბრუნდა.
ბიჭი გადაბრუნებული ნავის ძირზე ავიდა და ხელი სიბნელეშიც არ გაუშვია, თუმცა ირგვლივ წყალი დაახლოებით 10 გრადუსი იყო. თავიდან ბიძაშვილიც ნავს ეჭიდებოდა, მაგრამ გადარჩენის წინა ღამით წყალში ჩავარდა.
თვითმფრინავი, სამაშველო ნავი და მეთევზეთა გემი
ოჯახმა სამივე კვირა საღამოს დაკარგულად გამოაცხადა. ორშაბათს დილით აშშ-ის სანაპირო დაცვამ (U.S. Coast Guard) ძებნა თვითმფრინავებითა და ვერტმფრენებით დაიწყო. ერთ-ერთი თვითმფრინავის ეკიპაჟმა გადაბრუნებული ნავი კუნძულიდან დაახლოებით 6 კილომეტრში შენიშნა, მის თავზე კი ბიჭი იყო. მფრინავებმა გასაბერი სამაშველო ნავი და მარაგი ჩამოუგდეს და ახლომახლო მყოფ მეთევზეთა გემს, The Northwest Explorer-ს, დაუკავშირდნენ.
გადარჩენის ვიდეოში ბიჭი ყვითელი ქურთუკით ნავის ძირზე მუხლებზე დგას. გემის ეკიპაჟი მას თოკს უგდებს, ნავს ახლოს მიიზიდავს და ბიჭს სამაშველო კალათით ამოიყვანს.
სანაპირო დაცვის ცნობით, ბიჭს ჰიპოთერმიის, ანუ ორგანიზმის სახიფათო გაცივების, ნიშნები ჰქონდა. ეკიპაჟმა ის საბნებითა და გამათბობლებით გაათბო.
„ეს ბიჭი მართლა გამძლეა“, — თქვა გემის კაპიტანმა ადამ უაიტმა (Adam White) ანქორიჯის ტელეარხ KTUU-სთან. მისი თქმით, ბიჭმა კბილების კაწკაწით უთხრა ეკიპაჟს, რომ ძმა ნავის ქვეშ დარჩა. ორივე ნათესავის ცხედარი ბიჭის გადარჩენის შემდეგ იპოვეს.
@enamplus Seorang remaja laki-laki berusia 15 tahun berhasil diselamatkan setelah bertahan selama hampir tiga hari di atas perahu kecil yang terbalik di perairan dingin Laut Bering, Alaska. Korban yang mengenakan jaket kuning terlihat berlutut dan berpegangan erat pada badan perahu sebelum akhirnya dievakuasi oleh awak kapal nelayan The Northwest Explorer bersama tim Penjaga Pantai AS dalam kondisi mengalami hipotermia. Setelah berhasil diangkat menggunakan keranjang penyelamat, korban langsung mendapatkan perawatan darurat dari awak kapal untuk memulihkan suhu tubuhnya. #enamplus #emtekmedia #lautbering #alaska #evakuasi ♬ original sound – Enam+ ბიჭის დედა ფეისბუქზე წერს, რომ შვილი უკვე სახლშია და გამოჯანმრთელების პროცესშია. „ჩემი გადარჩენილი“, — ასე უწოდებს მას დედა. მისი თქმით, ბიჭს მთელი ამ ხნის განმავლობაში არ შეშინებია და გამუდმებით ლოცულობდა.
ზღვა, რომელიც სოფელს კვებავს
დედის სიტყვებით, ძმები იმას აკეთებდნენ, რაც უყვარდათ: თევზს იჭერდნენ თემისთვის, რადგან სოფლის მაღაზიაში ხორცი ყოველთვის არ იშოვება. მათ სოფელში დაახლოებით 800 ადამიანი ცხოვრობს, ძირითადად ციმბირელი იუპიკები. ბიჭის ნათესავმა ქალმა AP-ს უთხრა, რომ პალტუსის თევზაობა სოფლის კულტურისთვისაც მნიშვნელოვანია და გადარჩენისთვისაც.
„ჩემი ბიჭები მარჩენლებად დაიბადნენ და გაიზარდნენ. ეს თაობიდან თაობაზე გადაცემული ტრადიციაა“, — წერს დედა. — „ვნადირობთ, ოჯახებს ვარჩენთ და თემს ვუნაწილებთ“.